Charter Document - 02140763
| Charter Number: | 02140763 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0950 |
| Date type: | Internal, Calendar, Regnal |
| Resource Link(s): |
CCE: cartae cluniacenses electronicae |
Charter:
In nomine sancte et individue Trinitatis Ludowicus divina propitiante misericordia Francorum rex Si divinis cultibus operam dantes ecclesiam Dei ad summum sacre religionis statum sustollere conamur regio more ac progenitorum nostrorum privilegiis utimur Quocirca omnium sancte Dei ecclesie tam presentium quam et futurorum fidelium noverit sollertia quoniam nostram adiens presentiam Stefanus Arvernorum venerabilis episcopus reverenter expetiit quatinus quasdam res quas Acfredus quondam comes ex sue proprietatis jure in pago Arvernensi ob anime sue remedium ac parentum suorum Deo et sanctis ejus contulerat pro regula sancti Benedicti inibi construenda Cluniensi monasterio ac abbati ipsius nostre regalitatis precepto easdem res confirmare dignaremur quod et fecimus Unde hoc nostre altitudinis decretum fieri ac Aimardo abbati predicti monasterii dare precepimus per quod prefatas res cum omni integritate quemadmodum in carta prelibati comitis Acfredi continetur isdem abbas atque successores ejus perpetualiter nemine inquietante possideant Et ut hoc nostre auctoritatis emolumentum per succedentia temporum curricula inviolabiliter conservetur manu propria eum subtus firmantes annuli impressione nostri insigniri jussimus Signum domni Ludowici gloriosissimi regis Oydilo notarius ad vicem Artaldi archiepiscopi relegit et subnotavit Actum Polliaco villa super Ligerim III nonas febroarii indictione VI anno autem XV regnante Ludowico rege glorioso