Charter Document - 02140735
| Charter Number: | 02140735 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0949 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
In Christi nomine Gozbertus sancte Nevernensis ecclesie episcopus Notum fieri volumus omnibus sancte Dei ecclesie fidelibus presentibus scilicet et futuris quia petiit a nobis quidam fidelis noster nomine Theodericus canonicus noster quo illi et unum heredem ejus capellam nostram in honore sancti Martini dedicatam in villa que dicitur Monte concederemus Cujus peticionibus adquiescentes concessimus eis hanc capellam cum omnibus ad ipsam pertinentibus quisitum et inquirendum videlicet vineis campis pratis silvis aquis aquarumque decursibus Similiter concessimus eis quidquit in his villis habere videmur in Monte scilicet et Belplano Cerciaco Fisciaco cum omnibus ad easdem pertinentibus Concessimus etiam eis aliam terram que est uldra Sagonnam fluvium sub omni integritate sicuti quondam Rog visus fuit tenere cum omnibus appendiciis quisitum et inquirendum videlicet vineis terris pratis silvis aquis aquarumque decursibus Hec predicta omnia jam dicto Theoderico eique et unum heredem ejus prescripto concessimus ut tempore eorum vite teneant et possideant et singulis annis festivitate sancti Scyrici nobis subcessoribusque nostris solidos XV ex censu reddant Concessimus etiam eis alodum nostrum quem Theodericus sancto Scyrico dedit ut similiter tenuerit et omnibus annis solidos V ex censu reddant Quod si ex ipso aut supradicto censu neglegentes fuerint dupliciter componant et ideo hanc terram non perdant Et ut verius credatur manu propria eis hanc firmitatis cartam confirmavimus et chanonicorum manibus confirmari jussimus Actum in Nevernis cyvitate Gozbertus humilis episcopus S Atto archiclavus S Hildegrinus decanus S Gotselmus presbiter S Unbertus presbiter S Franco levita S Gozfredus levita S Vuidono presbiter S Rocleno S Unberto S Rotardo Teterius levita datavi mense marcio annos XIII regnante Lodovico rege