Charter Document - 02140697
| Charter Number: | 02140697 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0947 |
| Date type: | Internal, Calendar, Regnal |
| Resource Link(s): |
CCE: cartae cluniacenses electronicae |
Charter:
Sacrosancte ecclesie beatorum apostolorum Petri et Pauli quam domnus Eymardus abbas ad regendum habere videtur ego Landrada pro amore Dei et eterna retributione dono ad ipsam casam Dei pro anima senioris mei Maioli seu pro anima mea aliquid ex rebus nostris sitis in pago Cabilonense in agro Genoliacense in villa Maioticas hoc est mansum indominicatum qui terminat a mane terra sancti Mauricii a medio die de ipsa hereditate a sero via publica a cercio aqua volvente Infra istos terminos ipsum curtilum et quicquid in ipsa villa visa sum habere cum vineis vircariis campis pratis silvis aquis aquarumque decursibus omnia ex integro quesita et inquirenda cum servis et ancillis super manentibus quorum nomina sunt Sivualdus cum uxore et infantibus suis Teutbaldus cum uxore et infantibus suis Donamus ibidem in villa Casanicas curtilum cum sibi pertinentibus et vineam cum omnibus ad se advenientibus cum mancipiis et debitis reditibus Hoc autem facio tali tenore ut post mortem meam in eorum cimiterio cum ceteris sepeliar et benefactis ipsorum particeps esse valeam Si quis vero aut ego aut ullus homo donationem istam violare temptaverit nisi emendaverit iram Dei incurrat et insuper L libras auri componat ac post in eternum donatio ista firma et stabilis permaneat cum stipulatione subnixa Actum Matiscono publice S Landrade que donationem istam fecit et firmare rogavit S Walterii et Johannis clerici S Rotberti et Arlebaldi Josberti Ingelardi Oddonis Teudonis Gausfredi Data per manum Berardi sub die lunis II nonas januarii anno nono regnante Ludovico rege