Charter Document - 02140681
| Charter Number: | 02140681 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0946 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Sacrosancto monasterio Cluniacensis qui est constructus in honore beatorum apostolorum Petri et Pauli ego Malguinus et uxor mea Guntrudis cogitantes extremam vocationem donamus de rebus nostris in locum sepulture pro redemptione animarum nostrarum seu parentum nostrorum ut per suffragia sanctorum apostolorum absolvat nos Dominus a vinculis peccatorum nostrorum Siquidem concedimus at prefatum locum curtilum cum omni supraposito et vineam simul aderentem cum exitu et regressu in pago Matisconense in finem Agenacense in villa Busiaco terminatur de uno latere terra Vulferio de alio latere terra alterius Malguini tercia parte terra sancti Martini quarta autem via publica infra istas terminationes donamus quicquid de Teoderico conquisivimus hoc est curtiferi vinee vircarii campi prati et quidquid in predicta villa visi sumus habere totum ad integrum Donamus autem curtilum cum vinea in loco qui dicitur Lotoniacus cum exitu et regressu et quantum ad ipsum curtilum pertinet cum curtiferis et edificia desuper posita ac campis et silvis seu pratis ad ipsos pertinentes terminatur ex una parte terra sancti Benedicti ab alia parte via publica tercia parte terra filiis Attoni quarta autem rivulo currenti infra istas terminaciones totum et ad integrum sicut supra insertum est donamus ad prefatum locum ea ratione ut quandiu vixerimus usu fructuario eam teneamus et omni quoque anno modium unum inter vinum et annona partibus predicti monasterii persolvamus et qualiscumque ex nobis duobus de hoc car celari seculo migraverit medietas supradicti alodi partibus sancti Petri et fratribus sibi servientibus revertatur Post nostrum autem excessum cum omni integritate et melioratione absque ullius contradictione in potestate et servitium sanctorum apostolorum et fratrum illuc commorantium permaneat Actum Cluniaco monasterio publice S Malguini et Guntrudis uxori sue qui hanc donationem fieri et firmare rogaverunt S Rotberti filio eorum S Isembardi et Gausberto fratribus Malguini S Aigloeni S Ramoardi S Airoardi S Ricbaldi S Immonis S Bernardi S Droonis S Fredemontis Datum mense martio anno X regni Ludovici regis Vuarinus monachus scripsit et subscripsit