Charter Document - 02140655
| Charter Number: | 02140655 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0944 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
In nomine Domini Legitur in sacris Scripturis Quia redemptio viri divitie anime ejus Igitur ego Leotaldus et uxor mea Berta cogitantes casum humane fragilitatis pro salute animarum nostrarum et remedio genitoris seu genitricis mee et pro anima Ermengardis dilette condam uxoris mee vel omnium fidelium cristianorum donamus Deo et reliquiis beati Johannis Baptiste aliquid de rebus nostris et ipsas res cum supradictis reliquiis in monasterio beati Petri et Pauli in villa Cluniaco contradimus hoc est mansus indominicatus cum ecclesia beati Martini quem mihi Lanbertus consanguineus meus dedit et soror mea Attala michi postea reddidit situs in pago Cabillonense in villa Flagiaco cum terris vineis pratis silvis aquis aquarumve decursibus molendinis pascuis exitibus et regressis appendiciis quesitum et ad inquirendum seu cum omnibus pertinentiis suis et quicquit aspicit vel aspicere ad eundem allodum videtur preter unam plantatam quam in Flaviniaco monasterio dedi et preter alodem Sarilonis de villa Calciniaco totum et ad integrum in jam dicto monasterio condonamus ita ut dum ego solus advixero teneam usu fructuario sub censu denariorum XII in festivitate beati Johannis VIII kal julii post meum vero discessum monachi predicti cenobii cum servis omnibus utriusque sexus habeant Si quis vero si ego ipse aut ullus ex heredibus meis vel quelibet persona hanc auctoritatem calumniare presumpserit primitus iram Dei incurrat et omnibus maledictionibus veteris ac novi Testamenti nisi resipuerit subiciatur et insuper tantum et aliud tantum in eodem monasterio componat et hec donatio cum stipulatione adnexa firma et stabilis permaneat Signum Leotaldi et Berte uxoris ejus qui hanc donationem fieri et firmare rogaverunt S Unberti fratris ejus S Sarilonis qui consensit S Norduini S item Unberti S Braichonis S Adalgerii S Teudulfi S Ingeldranni S Alberici S Rainerii S Osmari S Ugonis S Unfredi Data mense februario anno VIII regnante Ludovicho rege Hildebrannus rogatus scripsit Actum publice apud Vesencionum civitatem