Charter Document - 02140645
| Charter Number: | 02140645 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0943 |
| Date type: | Internal, Calendar, Regnal |
| Resource Link(s): |
CCE: cartae cluniacenses electronicae |
Charter:
Sacrosancte ecclesie sancti Petri Cluniensis que est fundata in pago Matisconense in agro Rofiacense quam domnus Aymardus abba ad regendum habere videtur Ego Arlebaldus et uxor mea Alindrada cogitavimus casum humane fragilitatis et ut pius et misericors Dominus animas nostras eripere dignetur a laqueo mortis propterea donamus ad ipsam casam Dei aliquid ex rebus nostris in pago Matisconense in agro Ibgiacense in villa Segia hoc est curtilus indominicatus cum superpositis et vinea que terminat a mane terra sancti Vincenti a media die sancti Vincentii et Undradane a sero Aremberto cum heredes a cercio via publica Infra isto terminio ad integrum et alias res ibidem aspicientibus curtiferis cum edificiis vineis vircareis campis pratis silvis rivis fontis aquis aquarumque decursibus omnia ex omnibus quas in ipsam villam habemus donamus ad ipsam casam Dei et faciant rectores ejusdem ecclesie de ipsis rebus post hac die quicquit voluerint Si quis vero donacionem istam contradixerit auri libras II componat et inantea donacio ista firma et stabilis permaneat cum stipulacione subnixa Actum S Arlebaldi S Alindradane qui donacionem istam fieri et firmare rogaverunt S Raimundi qui consensit S Hildibaldi S Aygulfi S Alberici S Ramnulfi S Rotardi Data per manum Berardi sub die sabbati II idus octobris anno VI regni Hludovici regis