Charter Document - 02140634
| Charter Number: | 02140634 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0943 |
| Date type: | Internal, Calendar, Regnal |
| Resource Link(s): |
CCE: cartae cluniacenses electronicae |
Charter:
Sacrosancte ecclesie sancti Petri Cluniensis quam domnus Aymardus abbas ad regendum habere videtur ego Humbertus levita atque prepositus ob amore Dei et eterne retributionis ut pius Dominus per intercessionem sancti Petri principis apostolorum animam patris mei Anscherii et animam matris mee Ingelais seu et meam eripere dignetur de penis inferni propterea pro ipso amore dono ad ipsam casam Dei aliquid ex rebus meis in pago Matisconense in agro Ibgiacense in villa ipsa Ipgiaco A Cavaniaco vocat hoc est curtilus cum vinea qui terminat a mane terra Aquini et Ermengis a media die rio labenti a sero Ardoini a cercio via publica Infra isto terminio ad integrum Similiter dono ibi alium curtilum cum vinea in ipsa villa qui terminat a mane terra sancti Mamertis a medio die increpitum a sero Ermingiso cum eredes a cercio rio volvent Infra isto terminio de ipso curtilo tres partes ad integrum quarta pars est Aquini Et dono ibi servos his nominibus Geraldum cum uxori sue et infantibus Teutgerio cum uxori sue et infantibus Gotrevoldo et uxori sue cum infantibus et Fulcrado Istas res cum istis mancipiis dono ad ipsius loci et faciant actores ipsius ecclesie post hac die quicquid voluerint Si quis vero donationem istam contradixerit auri untias IIII componat et inantea firma permaneat cum stipulatione subnixa Actum Matisco publice Hubertus prepositus qui donationem istam fieri et firmare rogavit S Maioli vicecomite S Leudegarii S Eurardi S alio Eurardi S Nardoini S Teodulfi S Girbaldi S Odeloni S Arnaldi S Teotelmi S Ramnoldi qui consensit et firmavit Data per manu Berardi sub die jovis VIII kal junii anno VII regni Hludovici regis