Charter Document - 02140628
| Charter Number: | 02140628 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0943 |
| Date type: | Internal, A.D., Calendar, Regnal |
| Resource Link(s): |
CCE: cartae cluniacenses electronicae |
Charter:
In nomine sancte et individue Trinitatis Chunradus nutu omnipotentis Dei serenissimus rex Convenit unum quemque nostrum ecclesie Dei pro se suisque omnibus Deo fideles sublimare ac subvenire quapropter noverit omnium fidelium nostrorum industria presentium ac futurorum qualiter Hugo comes consanguineus noster adiit regiam magnitudinem nostram ut hoc quod nobis reddit videlicet Tusciaco villa in pago Lugdunense [et] quicquid ad hec legitime pertinere videtur terris vineis pratis silvis aquis aquarumque decursibus piscarias omnibus servis utriusque sexus pro nostro seniore bone memorie Rodulfo rege et remedio anime nostre ad monasterium Cluniacum quod est constructum in honore beatorum apostolorum Petri et Pauli per preceptum secundum morem regium concederemus quod et fecimus Volumus namque ac firmiter decernimus ut super insertus locus omnem obtineat vigorem et quicquid aspicit ad supra memoratam villam cum omnibus suis adjacentiis et appendiciis quesitum et ad inquirendum totum et ad integrum sine ullo obsistente et contradicente Ut autem hoc nostrum preceptum ab omnibus observetur et a nemine umquam violetur manu propria firmavimus et de sigillo nostro consignare jussimus Signum domni Chuonradi piissimi regis Einricus ad vicem Amonis episcopi recognovit Data VIIII kal maii anno ab incarnatione Domini nostri Jesu Christi DCCCCXLIII anno sexto regnante domno Chuonrado rege filio Rodulfi feliciter Amen