Charter Document - 02140545

Sacrosancte ecclesie Cluniensi in honore sanctorum apostolorum Petri videlicet et Pauli dedicate ego Arnaldus et uxor mea vocabulo Eldeburgis Dei timore ducti et amore inspirati de misericordia ejus cogitare cepimus qualiter eum possemus nobis placabilem reddere aut quid de bonis ab eo nobis temporaliter concessis ei gratum offerre quatinus eo propiciante deposito carnis honore ad eternam felicitatem possemus pervenire Igitur nos dominicis preceptis edocti et inmemores sermonis Sapientie que dicit Redemptio anime viri sustantia ejus tradimus ancillam nostram nomine Lantelam non fugitivam nec furtivam ob animarum nostrarum salutem jam prefato loco sed in sua virtute statutam ut a die presenti et deinceps liberam habeatis facultatem agendi de ea quod volueritis ut piis predictorum apostolorum precibus a vinculis peccatorum mereamur absolvi et gaudiis supernorum civium perfrui Si quis vero contradicere hanc elemosinam a nobis ultroneam factam sue anime inimicus conturbare quod minime umquam evenire credo voluerit non vox ejus audiatur ab aliquo nec sibi vendicare quod repetit valeat sed secundum mundanam legem XV solidos cui litem intulerit judice cogente coactus componat et nostra donatio semper immobilis et inconcussa stipulatione subnixa perseveret Actum Lordono castro S Arnaldi uxorisque ejus Eldeburgis qui fecerunt et rogaverunt firmare ac roborandam subnotatis testibus tradiderunt S Antigii S Achini S Ingelberti S Ansoldi S Girardi Item alterius Achini S Endrici Ego Teoggerius rogatus scripsi ac dictavi die lune idus junii anno II Ludowico regnante