Charter Document - 02140452
| Charter Number: | 02140452 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 0936 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Placuit atque convenit inter Girbertum et uxorem suam nomine Mariam et domnum Odonem abbatem Cluniacensem ut inter se eorum terras cambirent in pago Matisconensi in agro Galloniacense in villa Budonense sitas In primis dedit Girbertus et uxor sua campum unum qui Viniale vocatur terminatur a mane terra Sancti Vicentii a meridie terra Sancti Petri et mura finalum a certio terra Elene cum suis heredibus a sero terra Arnaldi cum suis heredibus Donamus etiam alium campum in eadem villa terminatur a mane terra Sancti Petri a medio die terra Girbanni cum suis heredibus a sero terra Naimberti cum heredibus a certio terra Arnaldi cum suis heredibus Alium autem donamus campum in alio loco a las Placis vocatur terminatur a mane rocha nativa a medio die terra Sancti Petri a sero via publica a certio terra Sancti Petri totum ad integrum hec supradicta concedimus Habent hii campi perticas nonaginta unum Nos quoque donamus vobis Girberto uxorique sue nomine Marie campum Aburcie vocatur terminatur a mane terra Franconis a medio die terra Sancti Johannis a sero terra Emeltrudis a certio terra Sancti Vincentii et terra Sancti Mauricii habet perticas septuaginta VIIII Infra istas terminationes et perticationes totum ad integrum unicuique liceat facere [quidquid voluerit] de hoc quod commutatur Si quis contradicere huic commutationi ausu temerario voluerit auri libras II componat et hec nostra commutatio firma et inconcussa permaneat stipulatione subnixa Actum Budono villa publice S Girberti et uxoris ejus nomine Marie qui commutationem istam fecerunt et rogaverunt firmare S Constantii S Richeldi S Archentrudis S Arnaldi S Ertorminionis S Girbani S Isnardi S Berlandi Ego Johannes scripsi ditavi die lune mense septembri anno I regnante Luduwico rege