Charter Document - 02140430

Divina largitate sanccitum est ut de rebus transitoriis eterna merces valeat promereri Quapropter ego in Dei nomine Fredelo venturi judicii examen precavens presentisque seculi crebrescentes [ruinas pertimescens divina pietate conpunctus pro meorum remissione peccatorum vel fratrum seu omnium parentum meorum atque omnium fidelium cristianorum] dono aliquid de jure mee proprietatis Deo ac sanctis apostolis ejus Petro et Paulo in monasterio et villa Cluniaco cui domnus Odo abba preesse videtur hoc est mansus I in Perciaco ubi manet Grimoldus cum uxore sua et duobus infantibus et alius cortilis in ipso manso in quo residet Sinoldus similiter cum uxore sua et infante I est etiam et alius servus nomine Gislerius una cum uxore et duobus filiis clausus vero I indominicatus in Foiciario et plante III juxta site Est quoque et omnis medietas de illa hereditate quam Genesius pater meus in Cortiniaco adquisivit sicut insertum est in carta divisionali quam ipse inter me et fratrem meum Gauzbertum fecit Hec omnia cum supradictis mancipiis [terris vineis pratis silvis pascuis aquis aquarumve decursibus quesitis et adinquirendis vel quicquid ad hanc hereditatem videtur pertinere a die presente et deinceps] dono trado atque transfundo [ad habendum tenendum commutandum et faciendum quicquid fratres ipsius loci melius elegerint] Denique offero Deo et sanctissimis apostolis ejus jam dictis Petro et Paulo ac eidem abbati vel ipsi congregationi quod mihi his omnibus carius est videlicet dilectum filium meum nomine Widonem ut ibi perpetualiter in communi socialitate fratrum secundum regulam beati Benedicti vivendo permaneat Dono siquidem et tercium mansum indominicatum cum Landetrude et infantibus ejus III in eadem villa Perciaco [ubi quondam mansit Gisloldus cum terris vineis pratis silvis pascuis aquis aquarumve decursibus quesitis et adinquirendis vel quicquid ad hunc mansum pertinere videtur] preter illum tantum curtilem ubi Arembertus sedet totum [et] ad integrum Deo et beatis apostolis ejus in memorato loco dono trado atque transfundo ea ratione ut quamdiu ego vixero usu fructuario sub censu denariorum VI istum solummodo tercium mansum teneam [post meum quoque discessum et corpus meum ad sepeliendum et ipse mansus ad recipiendum] pro remedio anime mee et patris mei [vel matris et fratrum seu Arloldi monachi in predicto monasterio revertatur] He scilicet res sunt site in pago Matisconense in agro Catgiacinse in villis supradictis Perciaco et Cortiniaco Si quis forte [quod absit] [aliquam concussionem inferre temptaverit primum quidem iram Dei omnipotentis incurrat auferatque Deus partem illius de terra vivencium et deleat nomen ejus de vite libro a liminibus quoque ecclesiarum et consorcio cristianorum extraneus habeatur et cui litem intulit auri libras X coactus exsolvat] et hec donatio semper firma permaneat stipulatione adnixa Signum Fredelonis qui hanc donationis auctoritatem fieri et firmare rogavit Signum Vulfildis uxoris ejus que consensit et recepit pro hac carta unum mansum in concamio in pago Cavillonense in villa Nantoni Signum Widonis filii ejus qui firmavit [S Alboeni S Gerbanni S Arnaldi S Stormenii S Adalbaldi S Isnardi S Aremberti S Achardi] Data mense febroario anno XIII regnante Rodulfo rege Hildebranus ad vicem cancellarii scripsit