Charter Document - 02140417

Charter Document - 02140417


Charter Number: 02140417
Cartulary Title: Recueil des Chartes de l'Abbaye de Cluny
Charter Language: Latin
Charter Origin: Royal
Charter Type(s): Decree
Date: 0934
Date type: Internal, A.D., Regnal
Resource Link(s): CCE: cartae cluniacenses electronicae

Charter:

In nomine Domini Dei eterni Hugo et Lotharius gratia Dei reges Si venerabilibus Deoque dicatis locis temporalia largiti fuerimus beneficia eterna premia a Domino adipisci non dubitamus ideoque noverit omnium fidelium sancte Dei ecclesie nostrorumque presentium scilicet ac futurorum universitas quia nos pro amore Dei omnipotentis sancteque Marie virginis et beatorum apostolorum Petri scilicet et Pauli ceterorumque apostolorum amore remedioque animarum nostrarum seu patris et matris nostre Teubaldi scilicet et Berte ceterorumque parentum nostrorum concedimus sancto ac venerabili monasterio Cluniensi ubi nunc in presenti Odo abbas esse videtur duas curtes jure proprietatis nostre conjacentes in comitatu Lugdunensi quarum una vocatur Savignei et altera Ambrei cum omnibus illorum integritatibus preter Leutardum pistorem et quinque alios servientes inde pertinentes qui nobis modo serviunt quos nostre reservavimus potestati videlicet cum capellis casis terris vineis campis pratis pascuis silvis salictis sationibus aquis aquarumque decursibus montibus vallibus alpibus planitiebus servis et ancillis utriusque sexus preter ipsos sex quos supra nostre potestati reservavimus servientes aldionibus et aldianis et cum omnibus que dici vel nominari possunt ad ipsas duas curtes juste et legaliter pertinentibus in integrum ipsos ante positos servientes quatinus a presenti die cum omnibus illorum integritatibus ipsos ut diximus sex servientes ante positos sint in jure et dominio ejusdem cenobii et abbatis qui nunc ibi est successorumque suorum ad communem utilitatem fratrum ibi pro tempore Deo servientium jure quieto et absque ulla contradictione Quam nostram donationem si quis temerario ausu conatus fuerit infringere vel violari sciat se ab omnipotente Deo dampnari quemadmodum de sacrilegio seculariter autem cognoscat se compositurum auri obtimi libras centum medietatem camere nostre et medietatem abbati predicti cenobii suisque successoribus et fratribus qui ibi pro tempore fuerint Quod ut verius credatur diligentiusque ab omnibus observetur manibus propriis roborantes de anulo nostro subter adnotari jussimus Signa serenissimorum Hugonis et Lotharii regum Petrus cancellarius ad vicem Jarlanni abbatis et archicancellarii recognovit Data VIII idus martii anno Dominice incarnationis DCCCCXXXIIII regni autem domni Hugonis piissimi regis VIII item domni Lotharii regis III indictione VI Actum Papia in Dei nomine feliciter Amen