Charter Document - 02140353

Quodcumque illud est quod firma stabilitate cupitur vendicare sibi sub quavis auctoritate juste coemptionis prius adibendi sunt testes seu fideisponsores qui se vades sponte offerant juditiarie potestati secundum id quod prisce leges sanxere quatinus si quispiam post hec deinceps ex eadem stirpe emerserit calumpniam cupiens inferre sub quadam occasione successionis emancipando exauriens illud quod sub ratiocinio olim jam subjectum est cupiens magis sibi licet reformare prius recipiatur quod propter illud datum est et sic legaliter qui se vades obtulerint faciant quod lege tenetur conscriptum Sub tali itaque ratiocinio perficiende legis ventum est ad placitum in dominica die mensis novembrii in secunda ebdomoda ipsius mensis in quo adfuerunt Rotberga et filius ejusdem Rotbertus se reclamantes ante presentiam domni Leotaldi comitis de monachis Cluniensibus quod tenerent quandam peciolam de vinea in ipso suo clauso indominicato qui ex ratione sanctuarii jure possidetur a rectoribus loci Cluniensis Quamobrem factum est ut adibitis fidejussoribus sponderent accepto pretio nunquam deinceps eadem se repetituros Rotberga et filius ejus cum astipulatione adfirmantes presentibus fidejussoribus suis Adalberto Albone Dominico Rainardo Itgerio Ea tamen ratione ut teneant et possideant monachi perpetuo sine cujusque hominis contradictione vel reclamatione sub tali conditione quod nunquam speratur evenire ut si quiscunque ille fuerit quem non possit facere taceri hujusce modi re restituant precium quod acceperunt sed et ipsi qui vades se obtulerunt illud ex more usque ad novissimum quadrantem peragant quod lex precipit observare Et hec est summa pretii quod acceperunt scilicet duo solidi et II modii annone et quatuor sextarii vini Est autem illud situm in villa Francia quod subjectum est