Charter Document - 02140336
| Charter Number: | 02140336 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0927 - 0942 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Quicquid stabile et inconcussum volumus per longa temporum curricula firma ratione servare necesse est litterarum suffragiis allegari et memorie sequentium tradere Quamobrem ego Leotprandus ea ratione facio testamentaria auctoritate conscriptionem ex reditibus mee proprietatis que ex successione parentum meorum mihi legaliter obvenerunt pro redemptione anime mee et uxoris mee et omnium parentum meorum et omnium christianorum vivorum sive defunctorum Deo et sanctis apostolis ejus Petro videlicet et Paulo et monachis Cluniensibus hoc est molinare unum in comitatu Matisconense in agro Nirneio cum omnibus pertinenciis et adjacentiis suis vel quicquid ad eundem aspiciunt vel aspicere videtur cum omni integritate a presenti die et deinceps ut faciant possessuri quicquid facere placuerit Idem autem molinare terminationem accipit a tribus partibus terra Gisonis a tercia parte viam publicam Infra istas terminationes a presenti die et deinceps manu propria subter firmatam et corroboratam hanc conscriptionem trado perpetuo possidendam Si quis vero eam temerario ausu infalsare temptaverit litem inferendo seu invadendo contradictorem sibi habeat Deum omnipotentem et sanctos apostolos ejus Petrum et Paulum sicque una cum censura fiscali juditiarie potestatis coactus persolvat V libras auri et hec conscriptio firma et stabilis permaneat stipulatione subnixa S Leotprandi qui hanc conscriptionem fieri et firmare rogavit