Charter Document - 02140333
| Charter Number: | 02140333 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0927 - 0942 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Verbi incarnati Notum sit omnibus christianis presentibus et futuris quod ego Petrus reminiscens pondus peccatorum meorum unde valde aggravatus sum et timeo ut in eterno juditio patiar penas propter hoc dono Deo et Sancte Marie necnon et Sancto Petro et Paulo et omnibus sanctis ac Cluniaco loco pro anima mea et omnium parentum meorum aliquid de rebus meis que sunt site in pago Arvernico in villa que dicitur Boscos hoc sunt tres apendarie et unus mansus et terre cum pratis et campis et silvis et quecumque ad ipsos pertinent et de aliis terris que sunt juxta istas supradictas quas habeo in commune cum fratre meo Artaldo de silvis et de aliis terris dono similiter meam partem ut faciant ejusdem loci rectores quicquid eis placuerit Si quis hanc donationem corroborare et custodire vel gubernare voluerit Domini benedictio super eum descendat Si quis calumniare voluerit et injuste aliquid ibi requirere voluerit Dei ira veniat super eum et cum Juda traditore et Datan et Abiron pars ejus in inferno habeatur nisi a stultitia et a malicia resipuerit S Petri S Stephani fratris mei qui mihi dedit partem suam quam ibi habebat S Artaldi fratris mei qui hoc laudavit et multorum aliorum nostrorum fidelium qui hoc laudaverunt et viderunt