Charter Document - 02140269

Divina pietate legumque auctoritate sanctitum est ut si quis de hereditatibus suis aliquid Deo et sanctis ejus conferre voluerit liberam habeat potestatem consequenter implere Quapropter in Dei nomine ego Gerbaldus considerans illud evangelicum Date et dabitur vobis simulque pertimescens purpurati divitis detrimentum qui pro micis panis quas ulceroso Lazaro negavit stillam aque in inferno ardens desideravit dono atque trado possessionem vel res juris mei que mihi hereditaria conditione a progenitoribus propriis provenerunt Deo et sanctis apostolis ejus Petro et Paulo in Cluniensi monasterio perpetuo permansuras Quod videlicet monasterium jussu ac supplemento piissimi bone memorie Willelmi senioris comitis decenter in ipsorum apostolorum honore sub providentia Bernonis venerabilis abbatis construitur Que scilicet res sunt site in pago Cabillonense in vicaria Lovincense et in locis his nominibus vocatis in villa Brilanga colonie due in villa vero Mimiliaco colonie tres in Maalmonte colonia una in Culecis colonia eque una in Curcellis colonia una fiunt vero in summa excepto curtile indominicato colonie vestite de eo et molendinum unum structum necnon et mancipia his nominibus Otulgarium cum uxore sua et infante uno Teotlandum cum uxore sua et infantibus duobus Dominicam cum infantibus tribus Aldam cum infantibus duobus qui fiunt in summa XIIII Dono itaque ut jam dictum est ad ipsum monasterium omnes res proprietatis mee quas in supradictis locis ad presens visus sum habere cum terris cultis et incultis cum vineis pratis silvis aquis aquarumve decursibus insuper cum omnibus adjacentibus que ad ipsa loca pertinent trado atque transfundo pro Dei primitus amore ac sanctorum ejus et deinceps pro remedio anime senioris mei Willelmi defuncti necnon et pro salute nepotis ejus adhuc viventis eque Willelmi senioris mei ac postea pro remedio anime patris mei et matris mee Pharonis videlicet atque Rutrudis omniumque parentum vel affinium meorum ac deinde nihilominus pro salute et remedio anime mee insuper etiam in elemosinam omnium fidelium katholicorum tam vivorum quamque defunctorum ut omnibus in commune proficiat Ea dumtaxat ratione ista facio ego Girbaldus ut quamdiu ad vixero usu fructuario ipsas res possideam sic tamen ut singulis annis festivitate omnium sanctorum modium de tritico et modium de vino pro benedictione et mei memoria ab ipsis monachis habenda mittam ex prefatis rebus ad supradictum Cluniense monasterium et ad ipsos servos Dei ibidem consistentes Post meum vero decessum ad ipsum monasterium revertantur ita ut ab hora mortis mee et deinceps monachi ejusdem monasterii absque ullius contradictione ipsas res perpetualiter habeant teneant atque legaliter possideant Placuit etiam hoc huic inseri testamento quod nulli homini liceat de his rebus aliquid distrahere vel pro cammare aut alicui beneficiare sed integre perseverent Obsecro nihilominus suppliciter omnes quicumque hanc cartam audire vel legere potuerint ut si necesse fuerit pro Dei amore et sanctorum ejus Petri et Pauli sint tutores ac defensores harum servorum Dei rerum Si quis vero [quod absit et quod evenire non estimo] vel ex propinquis aut extraneis vel ex qualibet conditione sive potestate aliquam calumniam contra hoc testamentum inferre temptaverit primum quidem iram Dei omnipotentis incurrat deleatque Deus ejus partem de terra viventium et deleat Deus ejus nomen de libro vite nisi cito resipuerit fiatque pars illius cum his qui dixerunt Domino Deo Recede a nobis et cum Dathan et Abiran quos terra aperto ore deglutivit et infernus vivos absorbuit et perennem incurrat damnationem secundum mundalem vero legem his quibus intulerit calumniam XX auri libras cogente judiciaria potestate coactus exsolvat et congressio illius frustrata nullum omnino obtineat effectum sed hujus firmitas testamenti omni auctoritate suffulta semper inviolata ac inconvulsa permaneat cum stipulatione subnixa Actum in Cluniensi monasterio S Gerbaldi qui hanc cartam et auctoritatem fieri et firmare rogavit Anschericus humilis archipresul hanc donationem relegit et subscripsit S Gerardi peccatoris et humilis sancte Matisconensis ecclesie episcopi S Geslardi item Geslardi Bernardi Gunduldrici Eurardi item Eurardi Rocconis Ego Abbo rogatus dictavi mense maio die sabbati anno IIII regnante Rodulfo rege