Charter Document - 02140248
| Charter Number: | 02140248 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0924 - 0925 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Ego Leutbaldus considerans Dei retributionem dicentis Date elemosinam et omnia munda erunt vobis pro remedio anime mee vel parentum meorum seu senioris mei vel cunctorum amicorum meorum nec non pro Avane sed et pro dulcissime quondam conjugis mee Garlinde dono unum mansum ad locum Cluniacense qui est situs in pago Matiscensi in agro Versiacense [in villa] Privisiaco nomine Terminat a mane terra Sancte Marie a medio die ipsius donatoris a sero et a cercio Sancte Marie quicquid ad ipsum mansum pertinet cum servo supermanente nomine Amalberto cum uxore sua et filiis Ipsum mansum et servos ex integro dono et concedo monachis et Sancto Petro Si quis vero videlicet ego ipse aut ullus homo aut aliqua persona contra hanc donationem presumpserit a liminibus sanctorum apostolorum sit excommunicatus et cum Datan et Abyron eterna dampnatione dampnatus fisco unciam auri componat et omni tempore donatio ista firma permaneat cum stipulatione subnixa S Leutboldi qui donationem fieri et firmare rogavit S Arulfi S Wichardi S Teutberti S Achardi S Girardi Actum anno secundo regnante Rodulfo rege