Charter Document - 02140193

Placuit atque convenit inter domnum Bernonem abbatem Sancti Petri et Elduardum ut campos eorum commutarent quod et fecerunt Inprimis dedit Eldoardus partibus Sancti Petri campum qui est situs in pago Matisconensi in agro Marcianensi in villa Cariniaco prope vineam Blargitii Hic habet terminationes a mane ad colonicam Ermenberti a medio die ad colonicam Ermenardi a sero ad vineam Deotardi a certio ad colonicam Eldoini habet in longitudinem de uno latere perticas XI et pedes IIII de alio latere perticas XI et pedes VIII in una fronte perticas XIIII et pedes IIII in alia fronte perticas XI et pedes VIII hoc commutat Eldoardus partibus Sancti Petri Post hec donant rectores Sancti Petri Eldoardo campum qui est in villa Lornant ubi Milla Val vocant qui terminat a mane ad terram Sancti Petri a medio die ad vineam et campum Danielis a sero ad vineam ipsius Eldoini et Gerbardi presbiteri a certio viam publicam habet in longitudinem perticas agripedales XIIII in alio latere perticas XV in una fronte perticas X in alio fronte perticas XIII Insuper dedit Eldoardus alium campum in ipsa villa supra vineam quam Leerno vocant que habet fines a mane ad terram Immonis a medio die ad terram Sancti Petri a sero ad terram Atsoni a certio ad terram Sancti Vincentii Habet in longitudinem perticas VIIII in unaquaque fronte perticas III Hoc quippe tenore ut unusquisque faciat ex his que accepit quicquid voluerit nullo contradicente Si quis vero quod non credo calumpniare presumpserit hanc commutationem non adquirere valeat quod repetit sed una cum fisco libram auri mediam componat et hec commutatio firma et stabilis permaneat cum stipulatione subnixa Actum Lornant publice S Gerbardi S Ildoardi S Susanne qui hanc fieri et firmare rogaverunt S Tresberti S Tegonis S Aimonis S Warfredii S Sidierii S Dominici S Aigloni S Silefredi Gerbardus presbiter scripsit et dictavit die mercurii mense novembrio anno XVI regnante Karolo rege