Charter Document - 02140187
| Charter Number: | 02140187 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0912 |
| Date type: | Internal, Calendar, Regnal |
| Resource Link(s): |
TELMA - Chartae galliae CCE: cartae cluniacenses electronicae |
Charter:
Sacrosancte Dei ecclesie que est constructa in honore Sancti Petri in pago Matiscensi ego Teogrimmus et uxor mea Wandilmodis pro remedio animarum nostrarum patris et matris fratrum et Breydiggo quodam donamus colonias duas que consistunt in Noviliaco cum mancipiis his nominibus vocatis Dominicum videlicet cum uxore sua et omnibus filiis ac filiabus Lambertum similiter cum uxore sua et filiis ac filiabus ad serviendum in ipso loco et ad luminaria accendenda ut Deus omnipotens pro cujus amore ista donamus eripiat animas nostras de tenebris et penis inferni et det nobis partem beate vite cum sanctis suis Si quis contradicere voluerit vel calumpniare hanc donationem dimidiam auri libram coactus exsolvat et nisi resipuerit beatum Petrum apostolum adversarium in ultima die sue mortis senciat et hec carta firma et stabilis permaneat cum stipulatione subnixa S Teotgrimi et uxoris ejus Vuandilmode qui donationem istam fecerunt et firmare rogaverunt S Sieverti Rorgonis Oddonis Ostraldi Ego Arnulfus presbiter scripsi et dictavi XVI kalendas febroarii anno XIIII regnante Karolo rege