Charter Document - 02140172
| Charter Number: | 02140172 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0910 - 0927 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Verbi incarnati Noverint universi fideles quod ego Aldrannus non inmemor Domini preceptum dono aliquid ex rebus meis Domino Deo et sanctis apostolis ejus Petro et Paulo ad locum Cluniacum hoc est unam vineam que sidet in villa Sollempniaco et he terminationes terminat ad austrum via publica et ex omnibus partibus terra Alendrane femine Et in alio loco dono unum campum qui est in Modendi et terminat a mane et a borea terra Sancti Petri a sero terra Gislane femine Hanc autem donationem facio pro remedio anime mee et omnium parentum meorum ut omnibus in commune proficiat S Albaldi et Rannulfi Teodeni Adeberti Martini Constancii Mainardi Adeleldis Warneldis