Charter Document - 02140153
| Charter Number: | 02140153 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0910 - 0927 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Redemptor humani generis providens nostre saluti de terrenis et transitoriis celestia et eterna mercari dicens Facite vobis amicos de mamona iniquitatis qui vos introducant ad gaudia eterne felicitatis Quod ego Eva in extremis vite posita animo perpendens et enormitatem meorum peccaminum expavescens dono Deo et sanctis apostolis Petro et Paulo ad locum Cluniacum pro remedio anime mee unum mansum qui est situs in pago Matisconense in villa Maxiliaco cum servo Adalgrimo et uxore sua Rotlenda et infantibus eorum qui in prefato manso habitant terminat autem a mane fonte a medio die terra Sancti Marcelli a sero via publica a cercio terra Adalelmi de ipsa hereditate Dono etiam in ipsa villa in alio loco terciam partem unius prati quod est subtus Rocam Dono in ipsa villa terciam partem unius condamine que terminat a mane a medio die et a sero viis publicis a cercio terra Sancti Marcelli Facio autem hanc donationem pro remedio anime mee ut Dominus pro sua pietate intercedentibus sanctis apostolis Petro et Paulo concedere mihi dignetur veniam peccatorum meorum Si quis autem huic nostre donationis carte contradicere voluerit omnibus maledictionibus subjaceat et in fisco publico auri libras XV componat S Eve que hanc donationem fieri firmarique precepit S Albuini in cujus presentia hec donatio fuit facta S Drogonis S Gauceranni S Siguini S Aremberti S Theutbaldi S Bertradi S Hildrici