Charter Document - 02140144
| Charter Number: | 02140144 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0910 - 0927 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Dei summi Notum sit cunctis Christi signaculo insignitis quod ego Itbertus et uxor mea Alsenda reminiscentes enormitatem nostrorum peccaminum donamus Deo et sanctis ejus apostolis Petro et Paulo ad locum Cluniacum aliquid de nostra hereditate que sita est in pago Matiscense in villa Lornant hoc est unam vineam que terminat a mane terra Alberici a medio die et a sero terra Sancti Petri a cercio via publica In alio loco in ipsa villa donamus unam petiolam de campo cum salceto et terminat a mane terra Andree ex aliis partibus terra Sancti Petri Hec donamus in presenti Donamus etiam in alio loco duas vineas que simul se tenent interposito tamen muro terminat ex omni parte de ipsa hereditate et a sero via publica In villa Bainas donamus nostram partem unius medii planti tali tenore ut quandiu vixero ego Itbertus teneam et possideam et post meum discessum ad Sanctum Petrum totum perveniat Reddam omni anno in vestitura dimidium modium de vino Facimus autem donationem hanc pro remedio animarum nostrarum et in locum sepulture amborum Ut autem firmum permaneat manibus propriis firmavimus testibusque roborandam damus S Itberti et uxoris ejus Alsende qui hanc donationem fecerunt S Arlei S Rotlanni S Duranti