Charter Document - 02140141
| Charter Number: | 02140141 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0910 - 0927 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Pietas misericordissime divinitatis compaciens humane infirmitati concedit unicuique suorum fidelium quatenus ex rebus sibi concessis ab auctore bonorum omnium valeant sibi mercari perpetuum regnum Quapropter ego in Dei nomine Eva precepti illius dominici memor quo dicit suis fidelibus ut suis animabus indeficientem thesaurizent thesaurum in celis dono Deo et sanctis ejus Petro et Paulo apostolis ad locum Cluniacum ex rebus que mihi jure hereditario obvenerunt omnem videlicet meam partem quam videor habere in villis que sunt in pago Viennensi site quarum hec nomina sunt Tordoniacus et Moxiacus In istis denominatis villis dono ad supradictum locum ex hiis que cum fratribus et sororibus habere videor meis partem que pertinet mihi in tali conventu ut habitatores Cluniacensis cenobii pro superius denominatis rebus in vestitura mansum ubi Witbertus stare videtur cum omnibus ad se pertinentibus a die hodierno teneant ego vero quamdiu vixero de ipsis rebus quas in jam dictis villis habeo vestita permaneam post meum vero discessum de seculo quicquid eis placuerit faciant Hanc vero cartam facio pro anime mee et anime filii mei Petri animarum quoque fratrum et sororum et omnium parentum meorum remedio quatenus omnipotens Deus faciat nos cum suis sanctis participes esse in suo regno S Eve et Petri filii ejus qui hanc cartam fieri et firmari rogaverunt S Wigonis et Oddonis filiorum ejusdem S Helisabet sororis ejus S Ascherici filii ejus S Eustorgii et Riconis fratrum