Charter Document - 02130118
| Charter Number: | 02130118 |
|---|---|
| Cartulary Title: | Cartulaire du Prieuré de Saint-Marcel-lès-Chalon |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1092 |
| Date type: | Internal |
| Resource Link(s): |
|
Charter:
Notum sit cunctis fidelibus tam presentibus quam futuris quoniam quidam miles nomine Guido Rufinus filius Dalmatii militis habens desiderium ire in Ispaniam dedit Deo et Sancto Marcello martiri pro remedio anime sue et patris si in partibus illis mortuus fuerit uel remanserit unum mansum qui est in uilla que dicitur Dorsena cum omnibus appenditiis suis in fine et in siluis et pratis et medietatem infantum Bernardi Darselli et dedit Durannum Caponem cum medietate infantum suorum et terram ubi domus eius est et xii iornales que est in uilla que uocatur Siluiniacum et cursum in silua et terciam partem prati quod est in Guaneschia et unum seruum qui uocatur Bonet nepotem Thome de Sancto Christoforo et tamdiu quam in partibus illis moratus fuerit monachi ibi seruientes recipiant seruitia illius supradicte terre S Guidonis Rufini qui fieri iussit et firmare rogauit S Humberti fratris eius S Rocleni fratris eius S Arleii militis filii Hugonis S Letbaldi de Castenedo S Gisleberti militis S Iotceranni militis Bastardi S Guolberti Christofori prepositi eius S Marcelli Bechauez S Constantii Pofeii Regnante Heinrico rege Alamannorum concurrente iiii epacta viiii indictio xv Millesimus XCII