Charter Document - 02130109
| Charter Number: | 02130109 |
|---|---|
| Cartulary Title: | Cartulaire du Prieuré de Saint-Marcel-lès-Chalon |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1090 |
| Date type: | Internal |
| Resource Link(s): |
|
Charter:
Nouerit cunctorum fidelium tam presentium quam futurorum deuocio quam quidam miles nomine Petrus Carbonellus habens desiderium eundi Iherosolimam dedit Deo omnipotenti et Sancto Marcello martiri Cabilonensi quicquid iure hereditario possidebat et habebat in uilla que uocatur Siluiniacus uidelicet in mansis campis pratis siluis semis quoque et ancillis et in cunctis que in eadem uilla tenere uidebatur Tali tenore ut si in partibus illis uel moreretur uel remaneret predictus martir absque ulla calumpnia totum omnino imperpetuum possideret Si uero rediret tantum in uita sua haberet post mortem uero suam similiter predictus martir totum possideret nisi heredem ex legitimo matrimonio generaret quod si forte contigerit eis medietatem cunctorum supradictorum et sepe dicto martiri similiter aliam medietatem imperpetuum concessit Dedit quoque mansum Duranni cum omnibus appenditiis suis et ipsum scilicet Durannum cum infantibus suis predicto martiri in uilla que uocatur Poysolus quem in manu fratris sui Bonefatii dimisit tali tenore ut si in partibus illis uel moreretur uel remaneret post modum sicut supradicta predictus martir Marcellus absque calumpnia imperpetuum possideret Pepigit autem illi conuentus Sancti Marcelli pro huius modi beneficiis ut si in partibus illis obitus eius contingeret pro anima eius tricenarius et cetera que pro fratre in loco nostro de defuncto solent fieri ad plenum illi persolueret Si uero rediret et habitum monachicum uenire uellet pro eisdem benefitiis ilium susciperet S Bonefatii militis S Salicherii militis S Fulchonis archipresbiteri S Martini presbiteri S Bertranni de Oratorio S Bernardi de Valoria S Gisleberti militis S Constantii Pophei S Arleii militis filii Hugonis S Rotberti Crispini de Cluniacensis S Bernardi Marescalt S Petri de Columber S Widonis presbiteri Regnante Heinrico rege Alamannorum Millesimus nonagesimus concurrens primus indictio xiii