Charter Document - 02130083
| Charter Number: | 02130083 |
|---|---|
| Cartulary Title: | Cartulaire du Prieuré de Saint-Marcel-lès-Chalon |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1016 |
| Date type: | Internal, Regnal |
| Resource Link(s): |
|
Charter:
In nomine Domini notum esse uolumus omnibus presentibus et futuris qualiter quidam homo Constantius nomine ueniens in presentiam domni Oddonis monachi in uilla que Oratorium dicitur qui ob memoriam anime sue parentumque suorum medietatem sex silionum terre contulit in hereditario iure Sancto Marcello aliam uero medietatem in precio duorum dedit solidorum Scilicet eo tenore ut quandiu seculum durauerit Sanctus Marcellus eiusque monachi teneant et possideant absque ulla calumpnia Ceterum si aliqua extiterit qui hanc donationis uel emptionis cartam calumniare presumpserit persona conuictus iuditio comitum et seniorum et eius Constantii qui hanc constituit cartam coactus soluat auri libras quinque et deinceps stabilis permaneat cum stipulatione subnixa Actum Oratorii publice S Constantii qui firmauit et firmare rogauit S Bernonis fratris eius S Algerius S Dominicus qui consenserunt S Eurardi presbiteri S Gotberti maioris S Constabuli Frater Humbertus monachus ad uicem domni Odonis monachi scripsit et dictauit in mense Aprilis die Iouis anno xx regnante Rotberto rege Dedit autem Constantius de hac terra fideiussores Bernonem et Gotbertum et Constabulum ut ita legaliter hanc cartam Sancto Marcello et fratribus ibidem Deo seruientibus auctorizet ut si quis homo tollere uoluerit ipse euindicet Et si euindicare non potuerit legaliter emendet et terram componat