Charter Document - 02130074

Charter Document - 02130074


Charter Number: 02130074
Cartulary Title: Cartulaire du Prieuré de Saint-Marcel-lès-Chalon
Charter Language: Latin
Charter Origin: Religious
Charter Type(s): Grant
Date: 1071 - 1085
Date type: Assigned
Resource Link(s):

Charter:

Constat ueridico ueritatis ore prolatum iusti propheteque factorem nequaquam dissociari beatitatis Sed sunt nonnulli quos non solum iuuare sed quod deterius est impedire boni cupidos magis delectat Qui quantum paciantur detrimentum quantumue amittant premium perpendere si curarent in tantam se pestem numquam profecto diruerent Quoniam et bonos deturbando antiquum imitantur hostem et caritatis que Deus est fraternum opus bonum ne iuuando federa uiolantes remuneratione semet defraudant perhenni Quorum alterum ut uitari alterum ut queat adimpleri et a malis cautius declinandum eisdemque cum suo principe acriter resistendum et bonis studiose fauendum Qua de re ego Hugo Bisontine sedis presul notum fieri uniuersis uolo fidelibus adisse presentiam nostram Aluisum priorem monasterii Sancti martiris Marcelli cum suis fratribus humilique prece petisse quatinus eis ecclesiam de Rofiaco que in Escoens sita est quam uidelicet qui diu iniuste possederant reddere uolebant concederemus Quod ratum fore arbitrantes quicquid Beati Marcelli quondam iuris in prefata ecclesia extitit eidem concessimus Quicquid uero uel Stephani martiris gloriosi uel nostri in eadem esse poterat iuris eidem nichilominus Marcello martiri inclito cum baculo nostro obtulimus Insuper etiam quecumque in toto nostro pontificatu de iamdicti martiris honore uel prefati monasterii prior Aluisus uel eius fratres presentes siue futuri recuperare quoquo conamine in perpetuum potuerint a nobis omnis libertas conceditur Acta sunt hec Bisontio sede pontificali in capitulo seniorum in conspectu domni Hugonis archipresulis domni quoque Mainerii fratris eius S domni Hugonis archiepiscopi Bisontini qui hanc cartam fieri iussit et manu propria roborans in synodum suum laudare fecit S Aluisi prioris S Adalfredi monachi S Guigonis archidiaconi S Guichardi archidiaconi S Teoderici S Manigodi S Tetbaldi S Aymonis decani S Dauid filii eius