Charter Document - 02130064
| Charter Number: | 02130064 |
|---|---|
| Cartulary Title: | Cartulaire du Prieuré de Saint-Marcel-lès-Chalon |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1004 |
| Date type: | Internal, Regnal |
| Resource Link(s): |
|
Charter:
Notum sit omnibus bonis hominibus qualiter ego Vitgerius et uxor mea Ostregildis et filius meus Rainardus uendimus duas peciolas uinearum monachis Beati Marcelli martiris que adiacent in pago Kabilonensi in fine Mercuriacense ubi Inmerenga uocat et accipio de uobis precium adpreciati scilicet solidos denariorum decem et denarios duos Terminatur autem una peciola ex tribus partibus terra Sancti Marcelli et ex uno latere terra Sancte Marie de Mercuriaco et habet in longo perticas ari pennales xxii et in lato perticas duas et pedes iii Alia peciola uinee habet in longo perticas x et pedes ii et in lato perticam unam et pedes iiii et terminatur de uno latus terra Sancti Vincentii et de alio latus et fronte terra Sancti Marcelli de subteriori fronte senterio percurrente Et iam dictas peciolas uinearum de nostro iure in dominatione Sancti Marcelli et monachis inibi Deo seruientibus tradimus uendimus atque transfundimus ad habendum et possidendum atque disponendum sine aliqua calumpnia uel contradictione Siquis autem ista uenditione a nobis facta calumniare uel contradicere presumpserit non hoc ualeat adimplere quod repetit sed conuicti fisco publica auri untias coacti persoluant quinque Et ut hec uenditionis cartula a nobis facta firma et stabilis permaneat actum monasterio Sancti Marcelli et manibus eam subter firmauimus atque firmare rogauimus S Witgerii qui uenditione ista fieri et firmare rogauit S Ostregildis uxoris eius S Rainardi filii eius S Aynardi filii eius S Oulberti qui consenserunt S Gisoni S Constantini S Rainaldi S Ayrardi Fidem fecerunt suprascripti firmatores Rainardus Ainardus Vulbertus Giso Constantinus Rainaldus et Ayrardus contra cancellarium si istam cartam non faciunt stabilem faciant que lex est Facta est autem hec cartula anno octauo regni Rotberti regis