Charter Document - 02130057
| Charter Number: | 02130057 |
|---|---|
| Cartulary Title: | Cartulaire du Prieuré de Saint-Marcel-lès-Chalon |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1080 - 1123 |
| Date type: | Assigned |
| Resource Link(s): |
|
Charter:
Notum sit omnibus hominibus presentibus atque futuris quod quidam miles nomine Rotbertus de Alusia dedit Deo et Sancto Marcello fratribusque ibi commorantibus totum allodium suum post mortem suam quod habebat in duabus uillis quarum una uocatur Alusia altera Ruiliacus campis pratis siluis seruos et ancillas et in uita sua dedit eis unum mansum cum seruo tali pacto ut post mortem suam totum supradictum allodium ipsi monachi possiderent Postea uero heredes ipsius Rotberti calumpniauerunt ilium allodium et habuerunt placitum cum monachis et dimiserunt eis monachi duas partes de illo allodio terciamque partem retinuerunt sibi et mansum ilium cum seruo quem dedit eis Rotbertus in uita sua Quem placitum laudauerunt omnes calumpniatores supradicti allodii coram testibus S Hytmari de Marniaco S Heinrici de Marniaco S Hugonis Nergiolt S Bernardi Pelliporci Aliique multi adfuerunt qui uiderunt et audierunt