Charter Document - 02130044

Charter Document - 02130044


Charter Number: 02130044
Cartulary Title: Cartulaire du Prieuré de Saint-Marcel-lès-Chalon
Charter Language: Latin
Charter Origin: Religious
Charter Type(s): Grant
Date: 1123 - 1126
Date type: Assigned
Resource Link(s):

Charter:

Venerabilium predecessorum nostrorum antiquam atque sollertem prouidentiam firmiter imitantes tam presentium quam futurorum mortalium posteritatem apicibus nostris certificare desideramus quod domnus Stephanus de Neblens Iherosolimam ire desiderans timens eterne dampnationis interitum incurrere si aliquam particulam terrarum beati martiris Marcelli temerario ausu filiis suis possidendam inconsulte dimitteret tam pro sue anime quam pro antecessorum suorum animarum remedio uillam quandam que Pontidotum proprio nomine nuncupatur et apenditia ipsi uille pertinentia nemora uidelicet atque prata et omne territorium ipsius uille ubicumque situm sit dedit et seruos et ancillas et quicquid in ea iuste uel iniuste habebat propitio Domino Deo et sancte genitrici sue Marie atque beato martiri Marcello et monachis in predicti martiris ecclesia die noctuque Deo seruientibus concessit et concedendo finiuit atque uerpiuit et concessionem et finitionem et uerpitionem illam quam fecit uxori sue carissime Beatrici nomine et quattuor filiis suis Hugoni Walterio Simoni atque Willelmo Iaudare iterum fecit accipiens de generalitate fratrum quadringentorum ualens solidorum Si uero aliquis uir tenens ab eo fedum in territorio ipsius uille positum cum prefati martiris monachis de fedo illo aliquo modo placitauerit uel pro remedio anime sue fedum ilium beato martiri Marcello dederit illud firmiter concessit et prenominatis filiis suis concedere fecit Hic et enim Stephanus quendam mansum quem pro dimidia marca argenti ab eo qui in uadimonium misit prefatis monachis pacifice tenendum concessit quousque illa dimidia marca argenti ab eo qui in uadimonium misit prefatis monachis persoluatur Ad ultimum uero prelocutis monachis concessit ut in sua propria terra que iuris est ipsius bennam quandam talem ad libitum suum facerent in qua molendinum unum ad opus generalitatis large collocaretur Et ut ista concessio finitio atque uerpitio rata atque firma in perpetuum teneretur prelocutus Stephanus et uxor sua atque filii sui cartam inde fieri perceperunt et percipiendo illam factam propria manu firmauerunt Siquis uero huic cartule nostre quod absit peruersus transgressor et temerarius preuaricator extiterit et eam falsificare uel destruere aliqua machinatione frustra temptauerit uel generalitati fratrum predicti martiris Marcelli subtrahere studuerit nisi scito resipuerit sciat se auctoritate indiuidue trinitatis Dei et beate Marie genitricis sue et Petri apostolorum principis atque omnium sanctorum Dei et nostra anathematis uinculis innodatum et cum Dathan et Abiron quos pro peccato terra uiuos deglutiuit se habere consortium et cum Iuda traditore Domini Dei eterno incendio inextinguibiliter concrematurum Facta est uero hec cartula tempore Gotsaldi uenerabilis Cabilonensis episcopi sub uice Hugonis cantoris Tetbaudo cancellario dictante regnante Ludouico rege Francorum S Philippi prioris Sancti Marcelli S Litgerii decani S Benedicti armarii S Hugonis cellararii S totius capituli Sancti Marcelli conuentus S tocius familie beati Marcelli martiris Petri mariscaldi Arnulfi fratris sui S Marcelli coci et Petri filii sui S Marcelli forestarii S Warini forestarii S domni Bartholomei de Sancto Marcello S Arueii de Nuio S Letbaldi de Nerusia S Hugonis seruimanentis S Constantii seruientis S domni Stephani et uxoris sue et quattuor filiorum suorum Hugonis Walterii Simonis atque Guillelmi S Wichardi Boerii S Pagani de Sancto Marcello S Willelmi militis