Charter Document - 02130042
| Charter Number: | 02130042 |
|---|---|
| Cartulary Title: | Cartulaire du Prieuré de Saint-Marcel-lès-Chalon |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1075 |
| Date type: | Assigned |
| Resource Link(s): |
|
Charter:
Aliquanto tempore post suprascriptam donationem transacto memoratus Humbertus predicte donationis patrator occulto Dei iuditio interfectus subita morte rebus humanis excessit Post cuius obitum uxor illius Raimodis et filii eius Ansedeus Humbertus et Hugo addiderunt sepe dicte traditioni ecclesiam castri Nauiliacensis cum consilio fidelium suorum pro remedio cum nuper defuncti patris tum etiam aliorum predecessorum suorum necnon pro susceptione Hugonis fratris sui quem pater ad seruiendum Deo in monachico habitu deputauerat Vt autem ipsa donatio firmissime teneatur et apud Wichardum patruum eorum antequam ullo federe pacificentur prorsus stabiliatur fideiussores dederunt hos Iotcerannum de Capella Ansedeum de Belloforte Hugonem filium Alberici de Neflens Odilonem de castello quod Marca dicitur