Charter Document - 02130041

Cum breuis permaneat uita qua fruimur cumque abeatur fluxa atque fragilis diuitiarum corporalis forme et temporalis honoris gloria est opere precium memoriam unius cuiusque efficere longuam uidelicet uirtutem animi exercendo totiusque pietatis ac religionis bonas artes excolendo semetipsum abnegando sua pauperibus et Deo in monasteriis militantibus largiendo ut quod aput supremum seculorum regem suis iuribus obtinere non preualet interuentionibus eorum impetrare atque habere et in perpetuum gaudeat feliciter Vnde omnibus hac communi luce racionabiliter utentibus liquido perpatescat et future posteritati cognitum permaneat quatinus ego Humbertus Medullensis castri et Nauiliacensis dominus et rector et Wichardus frater meus germanus canonicus Besuntine ecclesie et archidiaconus et uxor mea Ragimoldis damus et in perpetuum concedimus sine alicuius temporalis boni munere sine alicuius exactionis seruitute beatis apostolis Petro et Paulo et gloriosissimo martiri Marcello in suburbio Cabilonensium urbis martirizato et ab omnibus ipsius prouintie incolis honorato et uenerato et domno Hugoni laudabilis memorie Cluniacensi abbati omnibusque post ipsum futuris abbatibus omnique gregi Cluniacensi sibi diuinitus commisso et Aluiso priori monasterii supradicti martiris omnibusque monachis ibi regi regum domno et beato Marcello cultum diuine seruitutis excolentibus ecclesiam uille que uocatur Pons Dubii in honore Beati Laurentii leuite et martiris consecratam Quam primitus pater meus Ansedeus adhuc uiuens sanctis supradictis et priori supramemorato sub conuentione donandi promisit sed morte interueniente explere factis non potuit quod uerbis inantea iam promisit Sed nos filii eius et heredes bonum eius desiderium uice illius adimplentes pro remedio anime eius et matris nostre Ermenburgis et omnium parentum nostrorum et pro remissione omnium peccatorum nostrorum ex alodio nostro in eadem uilla damus beatis apostolis et uenerabili martiri necnon abbati atque priori monachisque Sancti Marcelli terram que possit excoli una carruca per tempora et menses quibus terra excolitur ab anno in annum et cursus siluarum in dominio in edificiis et in pascendis animalibus et in omnibus monachorum necessariis et quattuor rusticorum in terra habitantium data a nobis in usibus et cursus aque in piscariis et in faciendis molendinis et medietatem mercatis et medietatem portus ibi transeuntium in uigiliis et in tempore mercatus et clausos et prata et medietatem iusticie mercatus Et quicquid a nobis siue ab aliis eis datum fuerit omnino omnem libertatem et consensum in omnibus conferimus Vt autem firma et rata hec carta permaneat nos manu nostra firmauimus et filiorum meorum Ansedei Humberti Hugonis et item Hugonis at actu corroborare fecimus Siquis autem hanc donationem calumniare quod absit uoluerit uiginti auri libras persoluat et nullum rigorem habeat et imperpetuum excommunicatus permaneat Actum publice ad Pontem Dubii regnante Hinrico patricio Romanorum rege Langobardorum imperatore Alamannorum Hugone Crisopolitano archiepiscopo xi kalendas Maii luna viiii anno ab incarnatione Domini millesimo LXXIII indictione xi epacta viiii S Vgonis Besuntionensis archiepiscopi S Humberti S Wichardi S Ansedei S Humberti S Hugonis S Vgonis S Widonis S Witberti S Walterii S Humberti S Pontii S Guteranni S Stephani S Gausberti S Oddonis S Heldini S Amalberti S Lamberti S Iohannis S Vgonis S Hugonis S Humberti S Tetbaldi S Oddonis S Gislaberti S Widonis S Rotberti S Willelmi S Airardi S Rotberti S Siefredi S Petri S Rotberti