Charter Document - 02130037

Dum residerem ego Hugo Lingonensium Deo fauente presul in cenobio Sancti Petri Besuensis viiii kalendas Martii die vi feria adiit presentiam nostram Aluisus prior monasterii Sancti Marcelli martiris Cabilonensis cum suis fratribus humili postulans prece quatinus ecclesiam Sancti Georgii in Floriaco sitam eis concederemus Quod iniustum nullo modo nobis uideri debuit presertim cum et in ipsis uoluntatis bone conspiceremus feruorem nosque si eandem iuuare bonam nitamur uoluntatem non dissimili remunerandos premio Est siquidem tanta benignissime excellentia caritatis quod si adhuc bonum opus per te fragilitate deturbante perficere nequis in alio idem iuuare et fouere si uelis tuum profecto bonum reddis ad quod non operando sed amando extenderis Hinc Dauid ille beatus humilis et innocens rex et propheta eximius cupidinem desiderii mandatorum Dei omni sibi in tempore inesse denuntiat probare nimirum curans nequaquam eum premio frustrari beatitatis quem et si non effectus operationis ante interni tamen oculos inspectoris gratissimum munus bone sue commendat uoluntatis Vnde notum fieri cunctis uolumus fidelibus quod prefatam ecclesiam iuxta peticionem iam dictam gloriosis apostolis Christi Petro atque Paulo Sanctoque martiri Marcello concessimus cum omnibus appendiciis eius canonica nobis tantummodo retenta iusticia Concessimus etiam prescripto Aluiso priori motionem eiusdem ecclesie alias in eadem parrochia S domni Hugonis episcopi qui hoc priuilegium fieri iussit et confirmauit Signum domni Iosberti abbatis Besuensis S Benedicti monachi S Aluisi prioris S Geraldi monachi S Bernardi monachi S Adalfredi monachi S Germundi decani S Bernardi decani S Alduini militis