Charter Document - 02121143
| Charter Number: | 02121143 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1349 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
Et elegit sepulturam suam in ecclesia beate Marie de Charitate juxta tumulum defuncte matris sue et pro dicta sepultura sua ac etiam pro anniversario suo a religiosis viris conventus beate Marie de Charitate in eorum ecclesia dicti loci anno quolibet imperpetuum faciendo pro remedio anime ipsius testatoris et parentum suorum dictus testator dedit et legavit imperpetuum et quittavit dicto conventui Charitatis ecclesie supradicte ad opus et perpetuam hereditatem dicti conventus et successorum suorum quinque boissellos frumenti quinque gallos duas gallinas et decem denarios eidem testatori annuatim debitos de et pro annuo et perpetuo bordelagio apud Parciacum persolvendos in crastino festi omnium sanctorum a pluribus personis et super certis rebus hereditariis sitis et existentibus apud Parciacum et in locis circumvicinis et partiuntur dicte res cum pitancia ario ecclesie beate Marie supradicte ut dicebat dictus testator se ex nunc devestiens et dessaisiens dictus testator de predictis rebus sicut dictum est donatis et legatis dictumque conventum et suos successores investiens et saisiens corporaliter de eisdem et de omni jure actione proprietate possessione et saisina que et quas dictus testator habebat habere poterat et debebat in dictis rebus sic ut dictum est donatis et legatis in rebus hereditariis super quibus debentur et erga personas a quibus debentur res predicte donate ratione earumdem rerum donatarum per traditionem et concessionem presentium literarum Constituitque dictus testator dictum conventum et suos successores procuratores in rem suam quoad hec et actorem ita tamen quod dictus conventus teneatur facere et solemniter celebrare anniversarium dicti testatoris pro remedio anime ipsius et parentum suorum in ecclesia supradicta imperpetuum annuatim Item dedit et legavit dictus testator dicto conventui quadraginta solidos Turonenses semel pro pitancia a dicto conventu habenda die obitus dicti testatoris Ita tamen quod ipse conventus dictum testatorem die obitus sui in eorum ecclesia recipere teneatur processione aliter et solemniter dicta causa Hoc enim testamentum suum seu ultimam voluntatem suam valere voluit dictus testator jure testamenti in scriptis factum aut jure codicillorum aut ut nuncupative conditum vel secundum canonicas sanciones et omni alio jure et modo quibus melius valere poterit et debebit Pro premissis vero omnibus et singulis exequendis et debite executioni de mandandis predictus testator concessit legavit et obligavit heredes suos et omnia bona sua mobilia et immobilia et eos et ea supposuit jurisdictioni et cohercitioni Regis quoad observationem et complementum omnium et singulorum premissorum Quod autem dictus juratus in dictis clausulis in dicto testamento contentis vidit contineri de verbo ad verbum transcribi et extrahi fecit diligenter prout dictus juratus nobis premissa retulit sic fecisse ad cujus relationem et in testimonium premissorum sigillum Regis predictum literis presentibus duximus apponendum Data receptionis dicti testamenti talis est Die veneris post festum beati Mathei apostoli anno Domini millesimo trecentesimo quadragesimo nono