Charter Document - 02120169
| Charter Number: | 02120169 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1233 |
| Date type: | Internal, A.D., Feast, Papal |
| Resource Link(s): |
|
Charter:
Reverendis in Christo dominis et amicis O priori et sociis in ordine Cluniacensi frater J humilis supprior totusque conventus ecclesie Caritatensis salutem et cum debita reverencia sincerissime dilectionis affectum Vestre sinceritatis prudentiam credimus non latere quod reverendus in Christo pater dominus S Cluniacensis abbas virum venerabilem et honestum dominum Landricum videlicet quondam priorem Donziaci nunc de novo nobis tradidit in priorem Verumtamen sicut postmodum intelleximus datum est nobis intelligi quod ad electionem sive postulationem nostram nobis eum tradidit dominus abbas Sed ne aliquid nobis veritati contrarium imputetur significamus vobis quod nec ipsum nec alium elegimus aut postulavimus sive etiam nominavimus ea intencione quod propter hoc teneretur domnus abbas aliquem nobis preficere in priorem nisi quem expedire videret secundum formam sententie a domino Innocentio papa tertio promulgate contra quam nichil unquam noluimus aut nolumus attemptare Datum in die sancti Michaelis anno Domini millesimo ducentesimo tricesimo tertio