Charter Document - 02120159
| Charter Number: | 02120159 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1419 |
| Date type: | Internal, A.D., Feast |
| Resource Link(s): |
|
Charter:
Anno Domini millesimo quadringentesimo decimo nono in vigilia Assumptionis beate Marie virginis quatuor decima mensis augusti indictione duodecima pontificatus sanctissimi in Christo patri et domini nostri domini Martini divina providentia pape quinti anno secundo in mei Joannis Margaroti notarii apostolici et testium subscriptorum presentia in capitulo prioratus beate Marie de Charitate ordinis Cluniacensis Autissiodorensis diocesis lecte fuerunt et proclamate alta et intelligibili voce de verbo ad verbum litere hic in albo contente quibus sic lectis et proclamatis fuit per venerabilem et religiosum virum fratrem Joannem de Rupe sacristam et secundum in ordine dicti prioratus ac vicarium reverendi patris domini Valentini ejusdem loci priorem absentem et loco sui in dicto capitulo presidentem in quo erant omnes religiosi congregati hora capitulandi et capitulantes suum capitulum generale ut moris est in dicto monasterio ipsa die celebrantes injunctum et preceptum ut omnia et singula in dictis literis contenta facerent et faciendum et adimplendum alios compellerent De quibus omnibus et singulis frater Joannes de Buxeria prior de Monesto procurator et procuratoris nomine dicti reverendi patris domni prioris dicti loci petiit sibi fieri et dari instrumentum per me notarium jamdictum quod sibi concessi presentibus ad hec venerabilibus et religiosis viris fratribus Joanne Larcherat priore de Curtenaio Raymundo de Malboisson priore de Valle noxia Joanne Petitjean priore de Sancto Sydronio et pluribus aliis prioribus et religiosis Signatum Margaroti ita est