Charter Document - 02120156
| Charter Number: | 02120156 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1394 |
| Date type: | Internal, A.D. |
| Resource Link(s): |
|
Charter:
Universis presentes literas inspecturis Philippus de Molinis Nivernensis diocesis miseratione divina Noviomensis episcopus salutem in Domino Notum facimus quod nos ad conventum beate Marie de Charitate Cluniacensis ordinis Autissiodorensis diocesis et ad orationes religiosorum in eodem continue degentium specialem devotionem habentes cupientes dictis orationibus participes fieri eidem conventui de bonis a Deo nobis collatis tradidimus et realiter numeravimus quadringentos francos auri pro emendis redditibus dicto conventui perpetuo applicandis et appropriandis volentes et ordinantes quod dicti quadringinti franci et redditus inde requirendi dicto conventui solummodo et insolidi perpetuo remaneant absque eo quod prior modernus vel alii priores dicti monasterii qui pro tempore fuerint in dictis quadringentis francis vel redditibus ex eis acquirendis aliquid habeant aut reclamare vel exigere possint ita tamen quod religiosi prefati conventus qui nunc sunt et futuris ibi erunt temporibus a modo imperpetuum anno quolibet duas missas videlicet unam de Spiritu sancto quamdiu vixerimus et post obitum nostrum loco illius de Spiritu sancto unam missam pro mortuis quolibet mense junii et aliam de sancta Dei genitrice Maria quolibet mense septembri et post obitum nostrum una cum duabus missis predictis singulis annis anniversarium nostrum videlicet unam missam cum toto servicio defunctorum semel in anno in die obitus nostri vel altera die quam citius post dictum diem fieri poterit ob remedium anime nostre omnium parentum amicorum et benefactorum nostrorum in eorum ecclesia conventualiter et alta voce celebrabunt et celebrare tenebuntur in memento dictarum missarum specialem memoriam faciendo pro nobis et ulterius singulis diebus a data presentium imperpetuum statim post gratias in dicta eorum ecclesia dici consuetas antiphonam Hæc est Regina Virginum versiculum Dignare me et orationem Deus qui virginalem aulam [] cum oratione Pretende Domine Post decessum vero nostrum loco dicte orationis pretende orationem illam Quesumus Domine pro sua pietate miserere anime famuli tui fundatoris [] perpetuo submissa voce et flexis genibus pro nobis et amicis nostris dicent conventualiter et dicere tenebuntur Que omnia et singula dictus conventus perpetuo facere promisit omnia bona dicti conventus presentia et futura de consensu et authoritate domni Bernardi de Podio prioris dicti monasterii obligando dictusque domnus prior premissa omnia authorisavit ratificavit et approbavit prout per litteras super hec confectas sigillis dictorum prioris et conventus sigillatas et in eorum martyrologio registratas nobisque concessas latius continetur In quorum omnium testimonium sigillum nostrum literis presentibus duximus apponendum Datum in villa de Charitate die secunda mensis maii anno Domini millesimo trecentesimo nonagesimo quarto Signatum Cabuart et sigillatum