Charter Document - 02120155
| Charter Number: | 02120155 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1379 |
| Date type: | Internal, A.D. |
| Resource Link(s): |
|
Charter:
Universis presentes literas inspecturis frater Bernardus humilis prior de Charitate salutem in Domino Noveritis nos venerabili conventui nostro Charitatensi pro remedio anime nostre ac parentum et benefactorum nostrorum ac officio seu anniversario nostro in nostra Charitatensi ecclesia post obitum nostrum anno quolibet imperpetuum solemniter celebrando donavisse tradidisse quittavisse ex nunc in perpetuum concessisse quoddam stagnum nostrum de novo constructum et factum in quadam platea nostra quam de novo habuimus et acquisivimus a Ludovico de Belna burgensi ville nostre de Charitate omne jus et omnem possessionem actualem et realem in eumdem conventum totaliter transferentes Ita tamen quod dictus conventus die qua anniversarium nostrum fieri contigerit dare bonam pitanciam anno quolibet teneatur In quorum testimonium sigillum nostrum literis presentibus duximus apponendum Datum in domo nostra de Charitate die decima octava mensis augusti anno Domini millesimo trecentesimo septuagesimo nono