Charter Document - 02120151

Carolus Dei gratia Francorum rex ballivo Sancti Petri monasterii aut ejus locum tenenti salutem Curie nostre religiosi prior et conventus de Charitate supra Ligerim exponere fecerunt conquerendo quod cum ipsi habeant certa molendina ad portam ville de Charitate portam vici de Marchia nuncupatam que retroactis temporibus ex aqua proveniente a stagno de Muneto ad Stephanum de Mornaio militem spectante molere consueverunt et de hoc prefati religiosi sunt et eorum predecessores fuerunt in possessione et saisina a tali et tanto tempore quod de contrario hominum memoria minime recordatur vel quod sufficit ad bonam possessionem et saisinam acquirendam et retinendam et si contingat per diruptionem seu fractionem calceie sive patelle dicti stagni aut alias quomodo libet aquam dicti stagni arrestari seu impediri adeo quod per ipsius conductum antiquum ad molendina religiosorum predictorum suum cursum sive fluxum libere a quocumque impedimento cessationem habere nequeat idem miles dictum stagnum calceiam et patellam ac ipsius pertinentia in statu sufficienti ponere et reparari facere tenetur suis propriis sumptibus et expensis ut de aqua predicta hujusmodi molendina molere valeant prout superius est expressum et de premissis prefati religiosi pari forma sint et eorum predecessores fuerint in possessione et saisina per tempus supradictum Verumlicet dictum stagnum et ipsius calceia et presertim locus sive patella per quem aqua ad molendina predicta fluere consuevit sint taliter dilacerati et dirupti quod hujusmodi molendina ex aqua predicta molere nequeant dictaque aqua ad eadem molendina libere fluere non possit de presenti Nihilominus idem miles predictum stagnum calceiam patellam et alia premissa refici et reparari facere et in statu competenti ponere ut tenetur recusavit et recusat minus juste Super hoc pluries et debite requisitus in dictorum religiosorum grave prejudicium atque damnum ipsosque in suis possessione et saisina predictis impediendo et perturbando indebite et de novo habito respectu certe gracie per nos eisdem religiosis facte per quam ipsos a lapsu temporis a tempore belli coram habiti citra hanc ad certum tempus dicimur relevasse sicut dicunt supplicantes per dictam nostram curiam sibi super hoc de opportuno remedio provideri Quocirca nos premissis attentis jura ecclesiarum temporibus nostris servare volentes illesa vobis mandamus si opus fuerit committendo quatenus si vocatis evocandis super loca contentiosa vobis constiterit ita esse impedimento et novitate predictis primitus amotis dictos religiosos suis possessione et saisina predictis uti pacifice faciatis et gaudere ac in ipsas manum teneatis et conservetis eosdem prefatum militem et alios quos noveritis compellendo ad hec necnon ad dictum stagnum calceiam patellam et alia premissa in tali statu reponenda et tenenda quod molendina predicta molere valeant ex aqua dicti stagni prout est ab antiquo consuetum et fuerit rationis viriliter et debite compellendo Si vero prefatus miles aut alius pro ipso ad hec se opponere voluerit et super hec oriatur debatum debato ipso et rebus contentiosis ad manum nostram tanquam ad superiorem positis locisque deablatis si que fuerint realiter et de facto ressaisitis ac facta recedenda si et ubi fuerint facienda exhibeatis super hujusmodi oppositione inter partes easdem ipsis auditis tam celeris et mature justitie complementum quod ad nos propter hoc deinceps querela minime referatur literis in contrarium impetratis vel impetrandis non obstantibus quibuscunque quod eadem curia nostra prefatis religiosis consideratione premissa concessit et ex causa Datum Parisiis in parlamento nostro XXVI die junii anno Domini millesimo trecentesimo sexagesimo quinto et regni nostri secundo Signatum per cameram Villein