Charter Document - 02120149

Carolus Dei gratia Francorum rex Celestis altitudo potentie que supra cuncta tenet imperium et que nos sua benignissima disponente gratia stabilivit in Regem et ad regni fastigia provexit divinitus nos admonet ut ipsum regnum et ejus subditos in pacis tranquillitate tenere et fovere et cura ea que ipsius regni et nostrorum subditorum presertim illorum qui ab antiquo de proprio corone Francie domanio consistunt conservationem custodiam et tuitionem concernunt vacare et sub protectione nostra et ejusdem corone absque medio et sine separatione quacumque tenere et inviolabiliter observare Cum inclite recordationis dominus genitor noster in recompensationem comitatus Pictaviensis quem carissimus germanus noster Joannes dux Bituricensis et Alvernie pro tempore obtinebat ducatum predictum Bituricensem eidem germano nostro tradiderit et sibi duxit assignandum per ipsum germanum nostrum tenendum et possidendum sub certis pactis et conditionibus in ipsis nostris literis latius declaratis ressortum quarumdam ecclesiarum infra metis dicti ducatus Bituricensis et ipsius ressorti consistentium sibi et successoribus suis Regibus et domanio corone Francie reservando Notum igitur facimus universis tam presentibus quam futuris quod nos recolentes quod abbatiam Cluniacensem que est de antiquo domanio corone Francie cum omnibus prioratibus decanatibus terris villis locis et aliis membris quibuscumque eidem abbatie subjectis sub nostro et dicte nostre corone domanio per alias nostras literas retinuimus et ab omnibus aliis justiciariis temporalibus duximus eximere volentes ipsos coram justiciariis regiis sine medio respondere et etiam resortiri declaravimus et decrevimus et authoritate regia certa scientia et gracia speciali decernimus et tenore presentium declaramus prioratum de Charitate cum omnibus prioratibus terris villis locis et aliis membris quibuscumque sibi subditis in dicto ducatu Bituricensi et ejus ressorto consistentibus que sunt de principalibus et notabilibus membris ipsius abbatie et que ab eadem non possunt nec debent aliqualiter separari ab eisdem ducatu et ballivata Bituricensi penitus fore exempla et sub nostro et dicte nostre corone domanio perpetuo remanere volentes et authoritate regia tenore presentium statuentes quod prior ejusdem prioratus de Charitate et alii priores aliorum prioratuum sibi subjectorum et membrorum ipsius et eorum successores et alii ministri justiciarum officiarii et subditi eorumdem et eorum cujuslibet qui nunc sunt et pro tempore fuerent coram ballivo regio Sancti Petri monasterii de cetero immediate respondeant et habeant ressortum modo et forma quibus coram ballivo Bituricensi tempore quo existebat in manibus regiis respondebant et ressortiri debebant Quare damus tenore presentium in mandantis dicto germano nostro ac ballivo Bituricensi et omnibus aliis justitiariis et officiariis ipsius germani nostri qui nunc sunt et pro tempore fuerint et eorum cuilibet et locatenenti eorumdem quatenus eumdem priorem de Charitate et alios priores sibi subjectos qui pro tempore fuerint et justitiarios gentes et familiares et alios quoscumque officiarios et ministros ipsorum quos hujusmodi presens negotium tangit et tangere poterit in futurum hujusmodi nostra declaratione ordinatione et voluntate uti et gaudere permittant pacifice et quiete ipsos aut eorum aliquem de cetero in contrarium nullatenus molestando nec molestari faciendo Quod ut firmum et stabile perpetuo perseveret nostrum presentibus litteris fecimus apponi sigillum salvo in aliis jure nostro et in omnibus quolibet alieno Datum in abbatia Sancti Dyonysii in Francia mense aprilis anno Domini millesimo trecentesimo sexagesimo sexto et regni nostri quarto Signatum super plicam per Regem N de Bennes