Charter Document - 02120148
| Charter Number: | 02120148 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1364 |
| Date type: | Internal, A.D., Feast |
| Resource Link(s): |
|
Charter:
Universis presentes literas inspecturis Joannes de Nuiz clericus custos sigilli Regis in prepositura de Sancti Petri monasterio salutem Noveritis quod coram Joanne de Castro clerico jurato Regis et dicti sigilli notario cui quoad hec commisimus vices nostras personaliter constituta nobilis mulier domina Margareta de Fontenaio domina de Campo Allemani et de Boucatraut testamentum suum seu ultimam voluntatem suam faciendo et ordinando inter cetera dedit perpetuo religiosis et honestis viris conventui beate Marie de Charitate et suis successoribus domum et terram suam de Miniers cum ipsarum domus et terre juribus aisiis et pertinentiis universis quibuscumque sint et quomodo libet valeant nuncupari salvo et reservata tonsura nemoris d'Artonne Joanneto Lopini ab ipsa testatrice legati per spatium quatuordecim annorum Ita tamen quod dicti religiosi et successores sui teneantur celebrare pro remedio anime sue in ecclesia sua unam missam de defunctis qualibet die imperpetuum et cum hoc unum anniversa rium solemniter et alta voce die obitus sui una cum vesperis et vigiliis de defunctis vigilia dicte diei pro remedio anime sue perpetuo annuatim Dum tamen prior et conventus dicti loci de Charitate ad hec specialiter erga dictam testatricem seu heredes suos se obligare voluerint et literas super premissis concedere et non alias Et in casu in quo premissa facere noluerint vel recusaverint dicta testatrix dedit perpetuo dictis religiosis dicti conventus et suis successoribus decem libras Turonenses annui et perpetui redditus monete cursualis temporibus solutionum quas eisdem et suis successoribus ex nunc imperpetuum assedet et assignat in et super dictis domo terra juribusque et pertinentiis universis Onus istud ex nunc perpetuo dicta testatrix in casu predicto imponens in et super dictis rebus et earum qualibet ut tum heredes sui tum omnes alii quicunque dictarum rerum fuerint imposterum quomodo libet possessores seu detentores teneantur reddere et solvere dictis religiosis et suis successoribus predictas decem libras Turonenses annui et perpetui redditus perpetuo annuatim volens et expresse contendens dicta testatrix quod in casu quo heredes sui quolibet anno defecerint in solutione dictarum decem librarum Turonensium redditus quod dicti religiosi et successores sui authoritate sua propria nullo judice super hoc requisito possint et sibi liceat predictis rebus et earum cuilibet annuatim assignare seu assignari facere pro defectu cujuslibet solutionis earumdem Ita tamen quod dicti religiosi et successores sui teneantur celebrare in ecclesia sua unum anniversarium solemniter et alta voce pro remedio anime sue die obitus sui una cum vesperis et vigiliis de mortuis vigilia dicte diei perpetuo annuatim et cum hoc imperpetuum teneantur celebrare pro remedio anime sue in ecclesia sua duodecim missas de defunctis videlicet qualibet prima die lune cujuslibet mensis unam missam prout nobis hec omnia retulit dictus juratus cui fidem adhibemus in hac parte In cujus rei testimonium ad ipsius jurati relationem sigillum Regis predictum literis presentibus duximus apponendum Datum anno Domini millesimo trecentesimo sexegesimo quarto die dominica post festum beati Clementis Sic signatum Castro et sigillatum