Charter Document - 02120146
| Charter Number: | 02120146 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1362 |
| Date type: | Internal, A.D., Feast |
| Resource Link(s): |
|
Charter:
Noverint universi quod cum ego Petrus de Novo vico presbyter rector et curatus ecclesie parrochialis Sancti Caprasii Bituricensis diocesis die hodierna ad honorem beati Joannis Baptiste et pro anime mee ac parentum et benefactorum remedio et salute unam vicariam seu capellaniam pepetuam in dicta mea parrochiali ecclesia de et cum licentia et assensu reverendorum in Christo patrum dominorum meorum domini Rogerii Dei gratia Bituricensis archiepiscopi ac domini prioris de Charitate super Ligerim Cluniacensis ordinis Autissiodorensis diocesis patroni ejusdem ecclesie Sancti Caprasii fundavimus instituimus et dotavimus prout et eo modo quo in literis et instrumentis inde confectis plenius et serosius continetur Tandem in presentia Joannis Jannequini clerici jurati et notarii curie Bituricensis personaliter constitutus ex certa scientia deliberationeque super hec prehabita diligenti presentationem et jus presentandi personam idoneam ad eamdem vicariam seu capellaniam perpetuam predicto reverendo patri domino archiepiscopo Bituricensi et suis successoribus quotiens casus se obtulerit prefato domino priori ejusque successoribus imperpetuum dono transfero penitus et concedo volens et ordinans specialiter et expresse quod presentatio dicte vicarie seu capellanie ad prefatum dominum priorem de Charitate et successores suos perpetuis temporibus pertineat pleno jure salvo et retento quod mihi quamdiu vixero pertineat persone idonee nominatio et post decessum meum dicta nominatio ad immediatum successorem meum ecclesie predicte rectorem pertineat semel tantum et ad eumdem dominum priorem de Charitate et successores suos dicta presentatio absque alia nominatione insolidum et perpetuo pertineat subsequenter prefato jurato donationem concessionem translationem et alia supradicta nomine sepedicti domini prioris et omnium aliorum quorum interest et intererit in futurum solemniter stipulante rogans venerabilem virum dominum officialem Bituricensem ut ipse ad perpetuam rei memoriam et ad majorem roboris firmitatem presentes literas sigilli sue Bituricensis curie faciat appensione muniri Et nos officialis predictus ad requisitionem fundatoris et ad relationem predicti jurati cui publice credimus et qui nobis premissa retulit esse vera sigillum predicte nostre Bituricensis curie presentibus literis duximus apponendum Datum die martis post dominicam qua cantatum fuit in ecclesia sancta Dei lætare Hierusalem anno Domini millesimo trecentesimo sexagesimo secundo Jh Janequini