Charter Document - 02120140
| Charter Number: | 02120140 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1330 |
| Date type: | Internal, A.D. |
| Resource Link(s): |
|
Charter:
Universis presentes literas inspecturis frater Petrus prior de Charitate salutem in Domino Noveritis quod ad honorem et gloriam Dei omnipotentis et beatissime virginis Marie necnon ad laudem beati Joannis Baptiste in festo nativitatis predicti beati Joannis Baptiste officium solemniter fiat et missa etiam solemniter celebretur perpetuo in ecclesia nostra de Charitate prout in quinque festis solemnibus fieri consuevit venerabili conventui nostro de Charitate damus et concedimus annui redditus sexaginta solidos Turonenses perpetuo percipiendos anno quolibet et habendos supra redditibus domus nostre de Mortua aqua ex nostra propria pecunia acquisitis In cujus rei testimonium sigillum nostrum presentibus literis duximus apponendum Datum in Charitate tredecimo die mensis aprilis anno Domini millesimo trecentesimo tricesimo