Charter Document - 02120139
| Charter Number: | 02120139 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Bequest |
| Date: | 1323 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis Varziacensis salutem in Domino Noveritis quod Petrus Grassi de Charitate clericus noster notarius et juratus cui quoad hec commisimus vices nostras vidit legit et diligenter de verbo ad verbum inter cetera inspexit unam clausulam contentam in testamento seu ultima voluntate defuncte nobilis mulieris domine Alaydis de Gondra curia quondam uxoris nobilis viri domini Roberti de Pria militis facto de voluntate et assensu ipsius militis cujus clausule tenor talis est Item lego religiosis viris conventui ecclesie beate Marie de Charitate sexaginta solidos Turonenses redditu ales percipiendos levandos et habendos anno quolibet perpetuo super prato de Charneia in parrochia de Argenveriis pro anniversario meo in dicta ecclesia beate Marie annuatim perpetuo celebrando Cujus testamenti seu ultime voluntatis data est anno Domini millesimo trecentesimo quinto decimo die lune post festum Assumptionis beate Marie virginis In cujus rei testimonium ad relationem dicti jurati cui fidem super hec adhibemus in quorum testimonium sigillum Verziacensis curie predicte literis presentibus duximus apponendum Data hujusmodi visionis anno Domini millesimo trecentesimo vicesimo tertio die lune post festum omnium sanctorum