Charter Document - 02120135
| Charter Number: | 02120135 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Royal |
| Charter Type(s): | Order |
| Date: | 1298 |
| Date type: | Internal, A.D., Feast |
| Resource Link(s): |
|
Charter:
Philippus Dei gratia Francorum rex omnibus collectoribus annalium nostrorum ecclesiasticorum et super intendentibus eorum negotio deputatis in regno nostro ad quos presentes litere pervenerint salutem Mandamus vobis quatenus receptis presentibus manum nostram de prioratibus conventualibus ordinis Cluniacensis licet a tempore gratie de annalibus nobis facte vocantibus amoventes ab impedimento bonorum illorum quorumcunque penitus disistatis quousque aliud a nobis super hoc recipere contigerit in mandatis Preterea domos domicilia vel maneria quocunque censeantur nomine que ad mensam seu cellam Abbatis Cluniacensis liquido deputantur sibi deliberetis omnino Item censas seu pensiones deberi et reddi annuatim ecclesie Cluniacensi pro ipsius sustentatione super aliquibus subditis sibi prioratibus consuetas non impediatis occasione vacationis prioratuum hujusmodi quominus eas prout solito percipi valeant et haberi omni submoto fraudis velamine que si reperiatur teneatis et ut prius procedatis juxta potestatem alias vobis super iis attributam Actum Parisiis die lune post festum Exaltationis sancte Crucis anno Domini millesimo ducentesimo nonagesimo octavo