Charter Document - 02120134
| Charter Number: | 02120134 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Royal |
| Charter Type(s): | Order |
| Date: | 1297 |
| Date type: | Internal, A.D. |
| Resource Link(s): |
|
Charter:
Philippus Dei gratia Francorum rex Bituricensi et Aurelianensi ballivis salutem Cum nuper dilecto et fideli nostro Ludovico concesserimus castellanias de Giemo et Albiniaco super Nevram intentionis nostre non fuit eidem gardam prioratuum seu domorum Cluniacensis ordinis in dictis castellaniis existentium aut ressortum ipsarum concessisse Quare vobis mandamus quatenus prioratus seu domos predicti ordinis in dictis castellaniis existentes cum personis bonis rebus et pertinentiis eorumdem custodiatis et deffendatis prout per vos et predecessores vestros ante collationem hujusmodi fieri consuevit non permittentes predictis prioratibus seu domibus super garda et ressorto predictis per gentes dicti fidelis nostri aliquam molestiam inferri Actum Parisiis die dominica ante festum Purificationis beate Marie virginis anno Domini millesimo ducentesimo nonagesimo sexto