Charter Document - 02120130
| Charter Number: | 02120130 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1294 |
| Date type: | Assigned |
| Resource Link(s): |
|
Charter:
Viris religiosis et honestis venerabilibus et discretis et amicis suis in Christo reverendissimis priori et conventui beate Marie de Charitate super Ligerim prior et conventus beati Petri de Orbaco in Bria Suessionensis diocesis salutem et cum salute orationes devotas et quidquid possunt et poterunt in futurum Quam leti sumus et quantas grates vobis referimus in cordibus nostris pro eo quod vos nuper ut relatum est nobis et rescriptum domnum abbatem nostrum Orbacensem nunc in patria vestra prope vos commorantem tam honorabiliter et festive recepistis in domos vestras tum in capite quam in membris Deus scit et utinam vos sciretis sed parcendum est verbis ne videamur adulari Gaudemus etiam gaudio magno valde super hoc quod vos de societate componenda inter vos et nos cum dicto domno abbate nostro loquendum duxistis et tractandum cujus societatis componende et bene firmande nos omnes unanimiter eidem domno abbati nostro predicto prout omnino voluit et melius ac salubrius pro nobis et vobis fieri potuit plenam in nomine Domini concedimus facultatem desiderio enim desideramus esse fratres Charitatis vestre quippe Charitas est re et nomine domus vestra verum totius religionis speculum forma et exemplum Eya si placet quod facitis facite citius quia ad votorum nostrorum plenitudinem nobis deest talem in Deo vobiscum habere societatem ut quomodo in vita nostra fuerimus conjuncti ita et in morte nunquam simus separati Valete in Domino semper et gaudete orantes pro nobis ut et nos pro vobis