Charter Document - 02120129
| Charter Number: | 02120129 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1292 |
| Date type: | Internal, A.D., Feast |
| Resource Link(s): |
|
Charter:
Universis presentes literas inspecturis frater Symon humilis prior de Charitate salutem in Domino Noveritis quod nos attendentes eorum merita qui in ecclesia nostra Charitatis jugiter Domino famulantur et devotionem quam ad nos licet immeritos hactenus habuerunt precum etiam juvamina quibus suffulti gloriam eternitatis speramus domum dictam en Monnoiers cum edificio ligneo et platea adjacentibus sitam in longo in vico de Cuei juxta domum eleemosyne de Caritate et in lato in vico capellanorum juxta domum Odonis de Beaune quam tempore regiminis nostri titulo emptionis acquisivimus concedimus et donamus donatione irrevocabili dictis venerabilibus et charissimis fratribus nostris conventui dicte ecclesie nostre Charitatis ab ipsis et successoribus suis jure perpetuo possidendam tenendam et habendam cum exitibus et emolumentis omnibus de dicta domo et pertinentiis ejus provenientibus et proventibus quidquid juris in dicta domo et ejus pertinentiis nobis competebat vel competere poterat in ipsos et successores eorum totaliter transferendo salva tamen et retenta nobis priori et successoribus nostris in dicta domo et locis adjacentibus omnimoda justitia sicut in aliis locis et domibus dicte ville Charitatis habemus Promittentes bona fide predicta omnia in judicio et extra sumptibus nostris dicto conventui erga omnes garantire et ad hoc nos et successores nostros expresse et specialiter obligamus In cujus rei testimonium literam hanc dicto conventui tradidimus nostri sigilli appensione munitam Datum anno Domini millesimo ducentesimo nonagesimo secundo die sabati ante festum beate Marie Magdalene