Charter Document - 02120128

Universis presentes literas inspecturis Laurentius Pelorde custos sigilli regis prepositure Bituricensis salutem in Domino Noveritis quod presens coram Joanne de Augiaco presbytero jurato sigilli dicte prepositure vice et authoritate nostra nobilis Iolandis domina de Merriaco relicta Gualcheri de Merriaco militis vendidit et se vendidisse publice recognovit religiosis viris priori et conventui de Caritate quoddam molendinum ad duas rotas unam ad granum et aliam ad pannos quod se habere dicebat juxta Narciacum super riperiam de Mazo quod vulgariter vocatur molendinum de Vallibus cum duabus petiis pratorum quorum una sita est ante dictum molendinum et alia retro dictum molendinum contiguis et adjacentibus pratis dictorum religiosorum pro duodecies viginti libris Turonensibus suis quittis sibique jam solutis a dictis religiosis ut dicebat in pecunia numerata et de quibus dictos religiosos quitavit penitus et precise se desaisiens dicta domina de dictis rebus venditis dictos religiosos saisivit per traditionem presentium de eisdem animo in ipsos possessionem et dominium totaliter transferendi Quod molendinum cum dictis duobus pratis promisit dicta domina per fidem datam in manu dicti jurati ac per stipulationem solemnem et ex pacto garantire ac defendere dictis religiosis libere absque omni onere debiti legati et cujuscunque alterius obligationis et absque omni feodo retrofeodo erga quoslibet contendentes et specialiter erga comitem Nivernensem excepto censu quem de rebus predictis venditis dictis religiosis debebat promisit etiam dicta domina per eamdem fidem ac per stipulationem solemnem et ex pacto omnem calumniam et impedimentum a quoque fuerit apposita et apponenda in premissis in futurum removeretur propriis suis sumptibus et expensis et in se suscipiet onus litis et reddere eisdem religiosis omnia damna de predicta missione et expensis que et quas pro defectibus et occasionibus garentie incurrere plenariam restaurationem se et heredes suos et omnia bona mobilia et immobilia presentia cum futuris quoad premissorum observantiam obligando et jurisdictioni prepositure Bituricensis totaliter supponendo renuncians in hoc facto exceptionibus fori doli fraudis deceptionis ultra medietatem justi pretii exceptioni pecunie non habite non recepte omni auxilio totius juris canonici et civilis et privilegio crucis sumpte et sumende et omni privilegio usui statuto et consuetudini patrie sive loci omni privilegio scripto et non scripto et omnibus aliis exceptionibus actionibus allegationibus cavillationibus et cautelis juris et facti que contra presentes literas possent proponi objici seu dici et omni privilegio in favorem mulierum introducto prout dictus juratus premissa nobis retulit viva voce In cujus rei testimonium ad relationem dicti jurati cui fidem super hec adhibemus pleniorem sigillum dicte prepositure presentibus literis duximus apponendum Datum anno Domini millesimo ducentesimo octogesimo quinto die sabbati ante festum beatorum apostolorum Philippi et Jacobi sic signatum Ego Joannes feci