Charter Document - 02120123
| Charter Number: | 02120123 |
|---|---|
| Cartulary Title: | Cartulaire du prieuré de la Charité-sur-Loire (Nièvre), Ordre de Cluni |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 |
| Date type: | Internal, A.D., Feast |
| Resource Link(s): |
|
Charter:
Universis presentes literas inspecturis Officialis curie Bituricensis sede vacante salutem in domino Noveritis nos anno Domini millesimo ducentesimo septuagesimo quarto die veneris post festum sancti Barnabe apostoli vidisse et diligenter inspexisse in testamento seu ultima voluntate defuncte Aremburgis quondam domine de Herriaco sigillo curie Bituricensis sigillato quamdam clausulam in dicto testamento contentam cujus tenor sequitur sub hac forma Item lego ecclesie beate Marie de Charitate super Ligerim centum solidos currentis monete reddituales et percipiendos annuatim in tallia mea de Herriaco ad pitanciam conventus pro anniversario meo faciendo Ita quod si alias alibi dictos centum solidos assignavi illam assignationem revoco et volo quod ista ultima assignatio teneatur In cujus visionis nostre testimonium presenti transcripto sigillum curie Bituricensis duximus apponendum anno et die predictis Data visionis nostre anno et die superius nominatis et super plicam facta est collatio Signatum Perellus